A Guillermo non lle gusta nada ler, pero a toda a súa familia si. E vivir con eles é unha tortura diaria. Como é unha tortura ter que ir á biblioteca unha vez por semana e coller un libro, lelo e facer unha recensión para a profesora. Que horror! Un día, descobre un pequeñísimo libro escondido tras uns libros máis grosos titulado A tribo dos Zippoli e cólleo. É curto e será rápido de ler, pensa. Cando chega casa e ábreo le con asombro estas palabras: Benvido á tribo dos Zipoli, Guillermo. Tardaches moito en descubrirnos, pero nós non nos enfadamos. O certo é que os Zipoli non nos enfadamos nunca... Guillermo asústase unha barbaridade: quen se esconde detrás do libro? E péchao de inmediato. A partir de aí descubrirá que cada membro da súa familia cando le o libro, le unha historia distinta e por primeira vez terá curiosidade por saber que outras historias esconde ese pequeno e misterioso libro.